புதிய உலகம்

 

காணகவெளியை சிதைத்து

நான் நிர்மாணித்த நகரத்தில்

ஒரு பெருமரத்தின் நிழலில்

அடங்கிய இருட்டு

 

எரியும் காட்டில் தப்பிய

கடைசி பனித்துளி

கடைசி சூரியனின்

கடைசி வெப்பம்

 

புதிய உலகம் பிறப்பதற்கான

வெப்பத்தை வேர்களில்

ஒளித்து வைத்திருக்கிறேன்

 

பேரண்டத்தின் கரங்கள்

நிர்வாணத்தின் மேல்

போர்த்திய பனித்துளிகளை

மெல்ல விலக்குகிறது

 

நாய்களின் இந்திரியச்சூட்டில்

படுத்துறங்கும் சூரியன்

கைகளை நீட்டியபடி வெளிவருகின்றது

 

 

 

பொக்கிஷம்

பொத்தி வைக்க
பொக்கிஷம்
எதும் இல்லை
உன்
நினைவுகளை
தவிர

மோட்சம்

ஒரு
முறையெனும்
தீண்டிவிடு
உன்விரலாவது
படட்டும்
நான் மோட்சம்
பெற

கடைசி முத்தம்

கடைசி முத்தம்

காலங்கள் பல கடந்தும்
நினைவில் உள்ளதடி
நீ தந்த கடைசி முத்தம்.

எல்லா தருணங்களிலும்
ஏங்கியிருக்கின்றேன்
உன் முத்தத்திற்காக.

காதலும் காமமும்
இரண்டற கலந்ததுதானொ?

உன்னுடன் இருந்த
எல்லா தருணங்களிலும்
சற்று எல்லை தாண்டவே
ஆசைப்பட்டுள்ளேன்.

கனவு

கனவு
செல்லச்சினுங்கல்
பொய் கோபம்
அழகான வெட்கம்
சிறு தொடுதல்
சின்ன சின்ன தேடுதல்
சில எல்லை மீறல்கள்
இனி
இவை யாவும் என்
வாழ்வில் கனவு தானொ?

மனிதன்

மனிதன்
உச்சத்தில்
மிச்சமான
எச்சம்

என்னைத் தேடி

ஒரு சிறிய புன்னகை
ஒரு விழி அசைவு
எத்தனை மாற்றங்கள் என்னுள்
இதன் தொடக்கமும்
முடிவும் நீதானே?

உனக்குள்ளே எனைத் தொலைத்தேன்
அதை தேடும் ஒவ்வொரு
முயற்சியிலும் தோற்கின்றேன்
இருப்பினும் எனைத்
தேடியபடியே நான்